庆幸生仔无损地位！陈凯琳冧住收合成BB相

艺人陈凯琳（Grace）、刘颖镟、孙慧雪到屯门出席活动，三人轮流献唱及玩游戏，更获新鸿基地产代理有限公司租务副总经理孙雅茵小姐送上礼物，而送给Grace的礼物是老公郑嘉颖与她的合成BB照，非常温馨。

怀孕中的Grace早前公布腹中块肉是男丁，笑言今日带着“Baby Kelvin”出活动：“今年仲系二人世界过圣诞，相信出年家庭温暖会好唔同，嘉颖喺美国登台啱啱返，但仲未见到佢。（有冇开始买BB嘢？）未买，想拣啱先，都要忍手，惊成屋都系，始终市面选择太多。

（嘉颖买嘢狠过你？）系呀！佢成日叫我行街睇BB嘢，以前都唔系咁。（你会唔会呷醋？）好在系仔，如果女嘅话，我地位可能降级，反而系嘉颖叫我唔好挂住个仔、唔记得老公。”

问到Grace的妈妈是否搬去同住照顾她？Grace作出否认，表示妈妈只是来煮嘢食，又否认自己搬新屋安胎。问会否搬屋迁就校网？她说：“冇咁快，我唔识，一步一步嚟，我屋企都够空间。”

她又表示每月最期待照超声波看BB样子，对于之前嘉颖误会脐带是“何B仔”，问BB是否很“大条”？Grace避而不答，并笑说：“佢依家知道咗，唔会再犯呢个错。”